Премьер-лига клуби “Нефтчи”ни енголмади

Ўзбекистон Суперлигасининг биринчи даврасини мағлубиятсиз якунлаган ягона жамоа – “Нефтчи” Екатеринбургда Россия Премьер-лигаси вакили “Урал” футболчилари билан ўртоқлик учрашувида майдонга тушди.

Бу ўйинга “Истиқлол” стадиони мезбонлик қилди.

Қизғин ўтган беллашувда томонлар ҳарчанд уринмасин бир-бирининг дарвозасини ишғол қила олмади. Баҳсда голсиз дуранг қайд этилди.

“Нефтчи” ва “Урал” жамоалари ўртасидаги иккинчи ўртоқлик учрашуви 13 июль куни Екатеринбургда ташкил этилади.

“Екатеринбург арена”даги бўлажак баҳс сўнгги 23 йилдаги илк халқаро учрашув бўлади.

Эслатиб ўтамиз, фарғоналиклар жорий мавсумда юқори ўринлар учун курашмоқда ва биринчи даврадан кейин 25 очко билан мусобақа жадвалида учинчи поғонани эгаллаб турибди.

“Урал” футболчилари эса, Россия Премьер-лигаси баҳсларини 11-ўринда якунлади.