Президент: Кике Сетьен "Барселона"да қолади

"Барселона" президенти Хосеп Мария Бартомеунинг сўзларига кўра, бош мураббий Кике Сетьен истеъфога чиқарилмайди.

“Сетьен билан келаси мавсумга ҳам мўлжалланган шартнома бор. Бир неча ойлик фаолиятдан сўнг мураббийга баҳо бериш қийин.

Биз бош мураббийни алмаштиришни умуман ўйлаб кўрмадик ва бу борада ҳеч ким билан гаплашмадик. Хави билан шунчаки муносабатларимиз яхши бўлгани учун гаплашиб турамиз. У яқиндагина ўз клуби билан шартномасини узайтирди. Вақти келиб, у албатта “Барселона”ни бошқаради, фақат буни қачон бўлишини унинг ўз танлайди”, - дейди Бартомеу.

Эслатиб ўтамиз, Сетьен “Барселона”га январда Эрнесто Вальверде ўрнига келган эди. “Кўк-анор ранглилар” якунланган мавсум Ла Лигада “Реал”дан сўнг 2-ўринни эгаллади.