"Президент кубоги". Ўзбекистонлик 3 нафар шахматчи турнир пешқадами бўлиб турибди, 4-тур баҳслари эса шунчаки "ёниши" кутилмоқда

Тошкентда "Президент кубоги" давом этмоқда. 3-бор ўтказилаётган мусобақанинг мукофот жамғармаси 75000 АҚШ долларини ташкил этади.

Турнир 2 гуруҳда ўтказилади. "А" гуруҳида рейтинги 2250 ва ундан юқори рейтингли шахматчилар иштирок этса, "Б" гуруҳида рейтинги 2249 ва ундан паст рейтингли шахматчилар қатнашади.

Ҳар бир ўйин 90 дақиқа ва ҳар бир юриш учун 30 секунд вақт қўшиб борилади.

Кеча мазкур мусобақада 3-тур учрашувлари бўлиб ўтди. Ушбу турда Жавоҳир Синдаров Михаил Никитенкони таслим этди. Шунингдек, икки етакчи шахматчиларимиздан ҳисобланган Нодирбек Абдусатторов ҳамда Муҳиддин Мадаминов баҳсида Абдусатторов зафар қучди. Бундан ташқари, Нодирбек Якуббоев ҳиндистонлик Чандра Прасадга қарши дона суриб, дурангга имзо чекди. 

Қуйида 3-турда қайд этилган натижалар билан танишиб чиқишингиз мумкин: 



Қайд этиш лозим, 3-турдан сўнг турнир жадвалининг илк уч поғонасини ўзбекистонлик шахматчилар банд этиб турибди: Кутилмаган ҳолатлардан бири 2447 рейтинг баллга эга Ортиқ Ниғматов айни дамда пешқадам ҳисобланади. Ҳозирча 5 та шахматчида бир хил 3 очкодан мавжуд. 



Шунингдек, бугун 4-тур учрашувлари давом эттиралади. Ушбу турда турнир жадвалининг 1 ва 3-ўринларини банд этиб турган Ортиқ Ниғматов ва Жавоҳир Синдаров ўзаро баҳс олиб боради. Шунингдек, 2-ўринда бораётган Нодирбек Абдусатторов 4-поғонадан жой олган Мурали Картиҳикеян билан куч синашади. Катта эҳтимол билан ушбу турда бўлиб ўтадиган ўйинлар турнир жадвалида юқори ўринлар учун курашда яққол фаворитларни аниқлаб беради: