Энрике Рикельме: "Сантьяго Бернабеу" номининг ўзгариши мени қаттиқ хафа қилади"

"Реал" президентлигига номзод Энрике Рикельме клубнинг эҳтимолий сотилиши ва "Сантьяго Бернабеу" стадиони номи ўзгартирилиши ҳақидаги фикрлари билан ўртоқлашди.

"Клубни сотиш ҳақида қарор қабул қилишдан олдин мен референдум ўтказган бўлардим. Унда клуб аъзолари бу масала бўйича овоз бериш имкониятига эга бўларди", — деди Рикельме.

Шунингдек, у клуб афсонаси номи билан аталувчи стадионнинг қайта номланиши эҳтимолига ҳам муносабат билдирди.

"Сантьяго Бернабеу" стадиони номининг ўзгартирилиши мени жуда қаттиқ хафа қилади", — дея таъкидлади президентликка номзод.