Про-лига. Биринчи бўлиб гол урган "Андижон-SGS" "Ғиждувон"га мағлуб бўлди

Бугун "Ғиждувон" - "Андижон-SGS" баҳси билан Про-лиганинг 6-тури бошланди. Тўқнашув мезбонларнинг 3:1 ҳисобдаги ғалабаси билан якунланди. 

Дастлаб, андижонликлар 8 дақиқада пенальтидан гол уриб, ҳисобни очди. Кетма-кет ҳужумларга уюштирган "Ғиждувон" вакиллари 34 дақиқада Фирдавс Асадовнинг голи эвазига мувозанатни тиклади. Биринчи бўлим якунида Муҳаммад Одилов Бухор жамоасини олдинга олиб чиқди. Бир дақиқа ўтиб, Муслим Қурбонов ҳам дарвозани ишғол қилиб ҳисобни 3:1 кўринишига олиб келди. 

Шу тариқа, бухороликлар мавсумдаги илк ғалабасини нишонлади.