Про лига. Марказий ўйинда "Локомотив" "Қўқон-1912"дан устун келди

Про лига 17-туридан ўрин олган "Локомотив" - "Қўқон-1912" баҳси бўлиб ўтди. Унда "темирйўлчилар" ўз майдонида "Қўқон-1912"ни 2:1 ҳисобида таслим этди. 

Дастлаб, Абубакр Ризо Турдиалиев 33-дақиқада ҳисобни очган бўлса, 69-дақиқада Маъруф Жумаев орадаги фарқни иккитага етказиб қўйди. Фақатгина 87-дақиқага келиб, Шаҳзод Бешимов орадаги фарқни қисқартирди. 

Шу тариқа, "Локомотив" ҳисобидаги очколари сонини 36 тага етказиб қўйди ва Про лига жадвалида пешқадамга айланиб олди. 32 очкоси бор "Қўқон-1912" 3-поғонани банд этиб турибди.