Профессионал бокс. WBC рейтинги янгиланди ёҳуд Исроил Мадримов кучли 15 ликда

Профессионал бокснинг таянч ташкилотларидан бири ҳисобланган Бутунжаҳон бокс кенгаши (WBC) 2022 йилда илк янгиланган рейтингини эълон қилди. Унда Исроил Мадримов кучлилар сафига қўшилиб, 11-ўринга лойиқ кўрилган бўлса, Қудратилло Абдуқаҳҳоров 15 ликни тарк этди. Бошқа йўналишлардан фарқли ўлароқ, WBC 40 талик рейтингни тузиб чиқади. Ҳамюртларимиз эгаллаб турган ўринлар билан батафсил танишинг:

Супер ўрта вазн тоифаси (76,2 кг): Азизбек Абдуғофуров 28-ўрин, Бектемир Мелиқўзиев 40-ўрин;

Супер ярим ўрта вазн (69,8 кг): Исроил Мадримов 11-ўрин;

Ярим ўрта вазн (66,6 кг): Қудратилло Абдуқаҳҳоров 18-ўрин;

Супер енгил вазн (63,5 кг): Шоҳжаҳон Эргашев 21-ўрин;

Биринчи ярим енгил вазн (55,3 кг): Исломбек Пирманов 40-ўрин;

Биринчи ўта енгил вазн (48,8 кг): Ҳасанбой Дўсматов 16-ўрин.