Профессионал боксда собиқ WBО жаҳон чемпиони Тошкентда жанг ўтказади

16 июнь куни Тошкент шаҳрида жойлашган Ҳумо Аренада Lift Promotions томонидан ташкил этилаётган профессионал бокс оқшоми бўлиб ўтади. Ушбу кечада бир қанча ҳамюртларимиз ва хориждан келган боксчилар иштирок этади. 

 

Хусусан, 53 кгда собиқ WBO чемпиони британиялик Пол Батлер ҳам ушбу кечада рингга кўтарилади. Ҳозирча унинг рақиби аниқ эмас. Батлер охирги жангини мутлақ жаҳон чемпионлиги учун Наоя Иноуга қарши ўтказиб мағуб бўлган эди. 

 

Шуниндек, 63,5 кгдаги турнирнинг финал баҳсида Мужибилло Турсунов қозоғистонлик Дилшат Нурим билан тўқнаш келади. Қолаверса, 72 кгдаги турнирнинг ярим финалида Анвар Туропов, Исломбек Мўминов, Берэкет Таиров (Қозоғистон), Суҳроб Қаюмов ҳам иштирокидаги жангларни гувоҳи бўлишингиз мумкин. 

 

Оқшомнинг тўлиқ карди тез орада эълон қилинади!