ПСЖ АПЛдан ҳужумчи олмоқчи

Бирмингемнинг "Астон Вилла" клуби ҳужумчиси Жон Дуранга Франциянинг ПСЖ клуби қизиқиш билдирмоқда. Инсайдер Маттео Мореттонинг маълумотига кўра, клуб ўртасида колумбиялик футболчини трансфер қилиш бўйича музокаралар олиб борилмоқда.

Манбанинг маълум қилишича, инглиз клуби ҳужумчи учун 70 миллион евродан кўпроқ сумма талаб қилмоқда. Агар ҳозирда шартнома имзоланмаса, парижликлар ёзги трансфер ойнасида яна бир бор уриниш қилмоқчи.

Жорий мавсумда 21 ёшли ҳужумчи "Астон Вилла" сафида 27 та учрашувда иштирок этиб, 12 та гол урди. Дуранинг АПЛ клуб билан амалдаги шартномаси 2030 йилнинг ўрталарига қадар мўлжалланган.