«PSJ»dan mag‘lubiyat «Arsenal»ga tarixiy natija olib keldi

Londonning «Arsenal» jamoasi Yevropa chempionlar kubogi va Chempionlar Ligasi tarixida noyob antirekord muallifiga aylandi.

2025/2026 yildgi mavsum finalida «PSJ»ga mag‘lubiyatdan so‘ng «kanonirlar»ning Yevropa klub futbolining bosh turniridagi o‘yinlari soni 226 taga yetdi. Shuncha o‘yinga qaramay, londonliklar hali ham qo‘lga kiritilmagan asosiy sovrindan bexabar qolmoqda.

Shu tariqa, «Arsenal» Yevropa chempionlar kubogi va Chempionlar Ligasi tarixida biror marta g‘oliblikni qo‘lga kiritmagan klublar orasida eng ko‘p o‘yin o‘tkazgan jamoa sifatida qayd etildi.

Eslatib o‘tamiz, 2025/2026 yildgi mavsum finali Budapesht shahrida bo‘lib o‘tdi. «Arsenal» va «PSJ» o‘rtasidagi asosiy hamda qo‘shimcha vaqt 1:1 hisobida yakunlandi. Penaltilar seriyasida esa fransuz jamoasi ustun keldi — 4:3.

«Arsenal» uchun bu klub tarixidagi ilk Chempionlar Ligasi sovrinini qo‘lga kiritish yo‘lida yana bir omadsiz urinish bo‘lib qoldi.