ПСЖ: Энди аргентиналик ўйинчиларга ўрин йўқ!

ПСЖ раҳбарияти ёзги трансферлар вақтида жамоанинг барча аргентиналик футболчиларидан воз кечишга қарор қилди. L'Equipe нашрининг хабар беришича, пойтахт клубида фақат Лионель Месси қолади.

Манбанинг таъкидлашича, Анхель ди Марияга янги шартнома таклиф қилинмайди. Леонардо Паредес ва Мауро Икарди бошқа клубларга сотиб юборади. Бу икки ўйинчига А Серия вакилларидан қизиқиш бўлаётгани айтилмоқда.

Париж клубида 2015 йилдан бери тўп тепиб келаётган ҳужумкор футболчи Анхель ди Мария самарали ўйин кўрсатаётганига қарамай,  бундан буён жамоага керак бўлмайди.

ПСЖ хўжайинлари жамоа Чемпионлар лигасидан эрта чиқиб кетганидан кейин таркибни ёшартириш ва қайта тузишни мўлжалламоқда.