ПСЖ футболчиси "Бавария"га қарши ўйин олдидан жароҳат олди

ПСЖ ўнг қанот ҳимоячиси Ачраф Ҳакими Лига 1 нинг "Анже"га қарши ўйинида жароҳат олди. Марокашлик футболчи ушбу баҳсда асосий таркибда майдонга тушди, аммо иккинчи бўлимдан олдин алмаштирилди.

"L'Equipe" нашрининг хабар беришича, Ҳакими спринтдан кейин ўзини ноқулай ҳис қилди, шунинг учун Луис Энрике уни майдондан олишга қарор қилди. Манбанинг таъкидлашича, бу шунчаки эҳтиёт чораси - ҳимоячи 28 апрель куни "Бавария"га қарши бўлиб ўтадиган Чемпионлар Лигаси ярим финалининг биринчи ўйинига қадар тикланиши учун вақтга эга бўлади.

Эслатиб ўтамиз, ПСЖ ва "Анже" ўртасидаги ўйин амалдаги чемпионнинг йирик ғалабаси билан якунланди - 3:0.