PSJ hali nomi chiqmagan, lekin zo‘r o‘ynaydigan ikki futbolchi topdi

  • 10 iyul, 2024, 16:43
  • Zohir Toshxo’jayev
  • 0
  • Futbol
TIGGO 2 PRO

PSJ mutasaddilari jamoa tarkibini kuchaytirishi mumkin bo‘lgan yangi ijrochilarni qidirishdan to‘xtagani yo‘q.

Taniqli jurnalist Grem Beylining yozishicha, parijliklar niderlandiyalik ikki futbolchi uchun kurashda favoritga aylandi.

Nishondagi o‘yinchilardan biri – Krisensio Sammervill “Lids”ning hujumkor futbolchisi hisoblanadi. 22 yoshli charm to‘p ustasi yakunlangan mavsumda Angliya Chempionshipida 43 ta bahsda 19 ta gol urdi va to‘qqizta assistni amalga oshirdi. Krisensio ayni paytda 20 million evroga baholanmoqda.

“Feyenoord” himoyachisi Lyutsxarel Gertreyda xalqaro miqyosdagi faoliyatini boshlagani bois qimmatroq baholanmoqda. Ayni paytda Evropa chempionatida ishtirok etayotgan himoyachi 32 million evro turadi.

24 yoshli himoyachi gol urishni yaxshi biladi. Lyustxarel o‘tgan mavsumda Niderlandiya chempionatida 34 ta uchrashuvda 8 ta to‘p kiritdi.

Fikrlar

Fikr qoldirish uchun avtorizatsiyadan o'ting!