PSJ himoyachisi La Ligaga yo‘l olishi mumkin

PSJ vakili Leven Kurzava mavsum so‘nggida jamoani tark etishi kutilmoqda. Uning klub bilan shartnomasi yozda o‘z yakuniga etadi va yangi bitim tuzilmaydi, deya xabar bermoqda insayder Fabritsio Romano. 

Jurnalistning so‘zlariga ko‘ra, himoyachining keyingi manzili La Liga bo‘lishi mumkin. 31 yoshli futbolchini "Las-Palmas" o‘z tarkibiga qo‘shib olish uchun harakat qilmoqda. 

Kurzava 2015 yili "Monako"dan 25 million evro evaziga parijliklar safiga o‘tgan.  O‘tgan mavsumni ijara asosida "Fulxem" safida o‘tkazgan frantsuz ayni paytda PSJning umuman foydalanilmayotgan futbolchilaridan biri hisoblanadi.