ПСЖ жамоани кучайтирадиган ўйинчини кўзлади

Янги трансферлар ҳар қандай жамоа учун муҳим аҳамият касб этади. Айниқса, гранд клублар катта трансферларни олдиндан режа қилади.

ПСЖ ҳам таркибини кучайтирадиган ижрочиларни топишга ҳаракат қилмоқда.

TodoFichajes нашрининг хабар беришича, Франция чемпионлари Англиянинг энг қудратли клуби “Манчестер Сити” вакилини трансфер қилмоқчи.

Аслида парижликлар аввал ҳам Бернарду Силвага жиддий қизиқиш билдирган эди. Португалиялик ҳужумкор футболчи “шаҳарликлар” билан шартномани узайтирди. Бироқ унинг битимида Силвани 2024 йилнинг ёзида 50 миллион еврога трансфер қилиш имконини берадиган банд бор.

ПСЖ айнан шу банддан фойдаланишни режалаштирмоқда. Аслида 29 ёшли ўйинчининг трансфер суммаси 80 миллион еврони ташкил қилади.