ПСЖ кутган ўйинчисини олса, “Ливерпуль” сўраган юлдузнинг нархини туширади

Европа Чемпионлар лигаси ғолиби “Пари Сен-Жермен” раҳбарияти “Ливерпуль” сўраётган Брэдли Барколанинг нархини пасайтириши мумкинлигини маълум қилди.

Бу ҳолат “Аякс” вакили Мика Годтснинг трансфери амалга ошиб, ҳужумкор футболчи Парижга етиб келганидан кейин юз бериши кутилмоқда.

TEAMtalk нашри экспертларининг хабар беришича, икки трансфер бир-бири билан яқиндан боғлиқ.

Манба маълумотларига кўра, “Ливерпуль” Барколани 117 миллион еврога баҳоламоқда, парижликлар эса бу савдодан тахминан 146 миллион евро ишлаб олишни исташмоқда. ПСЖ Годтс бўйича янги таклиф берди, у ҳозир “Аякс»”инг баҳосига яқинлашган ва 21 ёшли футболчи бўйича келишувга шу дам олиш кунларида эришилиши кутилмоқда.

Испаниялик Ферран Торрес аллақачон “Барселона”дан  ПСЖга ўтишга розилик берган, амммо у ҳужумчи Гонсалу Рамуш ўрнига номзод сифатида кўрилмоқда.

Ярим ҳимоячи Магнес Аклиуш кореялик Ли Кан Иннинг ўрнига сотиб олинди, Годтс эса Баркола кетганидан кейин бўшайдиган ўринни тўлдириш учун мўлжалланган футболчига айланади.