ПСЖ Месси билан битим имзолашга тайёр

ПСЖ 2021 йилнинг ёзида Лионель Месси билан шартнома имзолаш йўлларини ўрганиб чиқмоқда, деб хабар берди ESPN.

Таъкидланишича, Месси "Барса"дан кетиш истагини билдирганида Париж клубининг форварди Неймар ва спорт директори Леонардо аргентиналикни олиб келиш борасида ўзаро суҳбатлашган ва ҳамон ушбу трансферни амалга ошириш вариантидан воз кечилмади.

Агар Месси ПСЖга келса, унинг маоши йилига 60 млн евро бўлиши кутилмоқда. Бу ерда Неймар йилига 36 млн евро, Мбаппе эса 20 млн евро ишлаб топади.

Шу қаторда, францияликлар Неймар ҳамда Мбаппе билан келишувни узайтиришни хоҳламоқда.

Лионель Мессининг "Барселона" билан битими 2021 йилнинг ёзида ўз ниҳоясига етади. У январда бошқа жамоалар билан музокара ўтказиши мумкин.