ПСЖ Месси ўрнига кўп гол урадиган ҳужумчи танлади

ПСЖ раҳбарияти Лионель Мессининг клубдан кетишига тайёргарлик кўрмоқда. Аргентиналик жаҳон чемпиони билан янги шартнома бўйича ўтказилаётган музокаралар муваффақиятли кечмаяпти.

Манбаларнинг таъкидлашича, парижликлар Месси кетадиган бўлса, ўрнига А Серияда тўпурарлик қилаётган "Наполи" форварди Виктор Осимхенни олиб келади.

Footmercato нашрининг хабар беришича, ПСЖ спорт директори Луиш Кампуш нигериялик ҳужумчининг агенти билан шахсий шартнома бўйича келишувга эришган. Шунга қарамай, бу келишув трансфер учун етарли бўлмаслиги мумкин.

Виктор Осимхенга Англия, Испания, Германия грандларидан ҳам жиддий чорловлар бўляпти. Бу трансфер кўп жиҳатдан футболчи қайси жамоани танлаши ва қай бир клуб “Наполи” талаб қилаётган 150 миллион еврони тўлашга рози бўлишига боғлиқ.