ПСЖ президенти Муҳаммад Салоҳни нега жамоасига олмаслигини айтди

ПСЖ президенти Нассер Ал-Хелаифий ўз жамоаси “Ливерпуль” тўпурари Муҳаммад Салоҳга қизиқиш билдираётгани ҳақидаги хабарларга муносабат билдирди.

- Мен Салоҳни яхши кўраман. Келиб чиқиши биз томонларга бориб тақалади. Тўғрисини айтсам, Муҳаммад билан жуда фахрланаман.

У Премьер-лигада “Ливерпуль” билан нималарга эришганини биламиз ва буни эътироф этамиз. Мен Муҳаммад Салоҳни ва “Ливерпуль”ни ҳурмат қиламан. Шу эҳтиром туфайли Салоҳ билан уни жамоамга олиш бўйича бирор маротаба ҳам гаплашмаганман, - деди Нассер Ал-Хелаифий.

Таъкидлаш жоизки, Европадаги манбалар Париж клуби мисрлик ҳужумкор футболчини ўз сафига қўшиб олиб, унга ҳар мавсум учун 40 миллион евродан маош тўлашга тайёр экани ва уни “кўҳна қитъа”да энг катта маблағ оладиган футболчига айлантириши ҳақида ахборот тарқатган эди.