ПСЖ раҳбарияти жамоани чемпион қиладиган мутахассисни топди, аммо...

"Пари Сен-Жермен" раҳбарияти жамоага янги спорт директори қидирмоқда. Бу ҳақда France Bleu журналисти Фабрис Хокинс хабар тарқатди.

Манбага кўра, парижликлар "Севилья" спорт директори Рамон Мончи билан алоқа ўрнатишга ҳаракат қилмоқда. Қайд этилишича, клубнинг амалдаги спорт директори Леонардо ўз ишидан кўнгли тўлмагани учун мавсум охирида ПСЖни тарк этиши мумкин.

Ўз навбатида, Мончининг ўзи ҳам Париж клубидан бўлаётган қизиқишдан мамнун бўлган. Бироқ у "Севилья"да бахтли ва испан клубининг ҳозирги лойиҳасидан кўнгли тўлмоқда.