PSJ Ramosdan voz kechdi

“Pari Sen-Jermen” rahbariyati “Real”dan erkin agent sifatida Parijga kelgan Serxio Ramosning xizmatlariga ehtiyoj sezmayapti va u bilan xayrlashishga tayyor, deb xabarp bermoqda jurnalist Fabris Xoukins.

Manbaning ta’kidlashicha, mutasaddilar tez orada ispaniyalik himoyachini jamoadan ketish haqida rasman ogohlantirmoqchi. Klub uning o‘rniga yosh va chaqqon himoyachi olishni rejalashtirgan.

O‘tgan yozda jamoa safiga qo‘shilgan 35 yoshli futbolchi jarohatlari bezovta qilayotgani bois atigi beshta uchrashuvda ishtirok etdi va bitta gol urdi xolos.

Ramosning amaldagi shartnomasi 2023 yilning yozigacha tuzilgan. Serxio Ramosning transfer summasi 8 million evroni tashkil qilmoqda.