ПСЖ “Реал” юлдузига рад қилиб бўлмайдиган шартнома беради

ПСЖ раҳбарияти ёзги трансферлар вақтида “Реал” ярим ҳимоячиси Тони Кроосни сотиб олишга қарор қилди.

Маълумки, германиялик жаҳон чемпионининг мадридликлар билан шартномаси якунланмоқда. Футболчи фаолиятини тугатиш ҳақида ўйлаётганини маълум қилганди. Мадридликлар унга янги битим беришга тайёр.

Париж клуби хўжайинлари биргина таклиф билан Тони Крооснинг фикрини бутунлай ўзшартирмоқчи.

El Nacional нашрининг таъкидлашича, ПСЖ хўжайинлари Тони Кроосга жами 100 миллион евролик маош билан уч йиллик битим таклиф қилмоқда. Агар 31 ёшли футболчи таклифни қабул қилса, унга трансфер бонуси сифатида яна 25 миллион евро берилади.