ПСЖ шифокорлари Неймарнинг ҳолидан хабар олиш учун Бразилияга жўнаб кетишди

ПСЖ клуби тиббиёт хизмати ходимлари жароҳатланган Неймарни кўрикдан ўтказиш ва унинг жароҳати қай жаражадалигини билиш учун Бразилияга йўл олишди.

Эслатиб ўтамиз, 27 ёшли бразилиялик футболчи Қатарга қарши бўлиб ўтган ўртоқлик учрашувида тўпиғидан жиддий лат еган эди. Дастлабки текширувлардан сўнг эса унинг жарроҳлик амалиётини бошдан кечириши ва 4 ой майдонга тушолмаслиги маълум бўлди.

Бразилия терма жамоаси бош мураббийи Тите эса Неймар ўрнига Виллианни таркибга жалб этди.