ПСЖ собиқ мураббийи: Неймардан кўра Мбаппени танлаган бўлардим

«ПСЖ» клубининг собиқ мураббийи Жан-Мишель Ларке парижликларнинг асосий ҳужумчилари - Килиан Мбаппе ва Неймарни таққослади.

«Неймар мухлисларга кўпроқ эмоция беради, аммо ёшдаги фарқни инобатга олганда мен Килианни танлайман.

Мбаппе ҳамиша ҳам ўзини намунали футболчи сифатида намойиш этмайди. Баъзида у ўзига мафтун бўлиб, тескари ҳаракат қилади. Аммо мен ўз жамоамга иккита Неймардан кўра, иккита Мбаппени танлаган бўлардим» — деди Ларке "Goal"га берган интервьюсида.

Эслатиб ўтамиз, Жан-Мишель Ларке 1977-1978 йилларда "ПСЖ"ни бошқарган.