ПСЖ суперҳужумчи олиб келади

Париж клуби таркибда Лионель Месси, Неймар ва Килиан Мбаппе каби ҳужум қироллари бўлишига қарамай, яна бир тўпурар олиб келиш устида иш бошлади.

Пойтахтликлар “Тоттенхэм” тарихидаги энг зўр тўпурар Ҳарри Кейнни трансфер қилишга бел боғлаган.

“Шпорлар” ўз етакчисини Англиядан ташқаридаги лигаларга сотиб юбориши мумкинлиги ҳақида хабар чиққан эди. ПСЖ мутасаддилари ана шу вазиятдан фойдаланиб қолмоқчи.

“Тоттенхэм” билан амалдаги шартномаси 2024 йилнинг ёзигача тузилган Ҳарри Кейннинг ўзи совринлар учун курашадиган кучли клубларда тўп тепмоқчи.