ПСЖ трансфер бозорини портлатмоқчи. Почеттино Месси бошчилигида беш юлдузга харидор

ПСЖ  ёзги трансферлар вақтида таркибини сезиларли даражада кучайтирмоқчи. Клуб спорт директори Леонардо “Ювентус”нинг трансфер тактикасини қўллаб, эркин агент мақомини оладиган машҳур футболчиларни Парижга олиб келишга бел боғлаган.

Маурисио Почеттино ёзда  унинг қўл остига ҳужумчилардан Лионель Месси (“Барселона”), Мемфис Депай (“Лион”), ярим ҳимоячи Жоржиньо Вейналдум (“Ливерпуль”), ҳимоячилардан Давид Алаба (“Бавария”) ва  Элсеид Хюсай (“Наполи”) олиб келинишини кутмоқда.

Шунингдек, парижликлар “Эвертон”дан италиялик ҳужумчи Мойзе Киннинг трансфер ҳуқуқини тўлиқ сотиб олади.

Бундан ташқари, ПСЖ ҳозирги жамоанинг ўзагини ташкил қилувчи етакчи футболчилардан Килиан Мбаппе, Неймар, Анхель Ди Марияни сақлаб қолиш бўйича бош қотиряпти.