ПСЖ устози финал олдидан "Бавария"нинг ягона устун жиҳатини айтди

ПСЖ бош мураббийи Томас Тухель бугун "Бавария"га қарши бўлиб ўтадиган Чемпионлар лигаси финалидан олдин ўз фикрларини билдириб ўтди.

“Бавария” ўзгача ҳаракат қилмоқда. Улар сафида ғалабага чанқоқ ёшлар ва ушбу мусобақада тобланган тажрибали футболчилар бор. Мен Чемпионлар лигасини ютган Кейлор Навас, Неймар ва Анхель Ди Мария билан жуда кўп гаплашаман.

“Бавария” бу каби финалларда ўйнаш тажрибасига эгалиги билан бироз устунликка эга. Аммо бу устунлик ҳал қилувчи аҳамиятга эга бўлмайди”, - деди германиялик мутахассис УЕФА расмий сайтига берган интервьюсида.

ПСЖ – “Бавария” учрашуви бугун соат 00:00 да бошланади.