ПСЖ ва “Манчестер Сити” клублари футболчи учун курашмоқда

“Милан” клубининг ҳимоячиси Тео Эрнандесга ПСЖ ва “Манчестер Сити” жамоалари қизиқмоқда. Пеп Гвардиоланинг ўзи ушбу трансфер билан шуғулланмоқчи. Бу ҳақда “CalcioMercato” нашри хабар берди.

Маълумот учун, франциялик футболчи 2019 йилдан бери Милан жамоаси шарафини ҳимоя қилиб келмоқда. Унинг амалдаги шартномаси 2026 йилгача амал қилади. Тео ушбу мавсум барча чемпионатларда 23 та ўйинда майдонга тушиб, 2 гол ва 6 та ассист амалга оширди.

Эрнандес Жаҳон чемпионатида Франция таркибининг асосий чап қанот ҳимоячисига айланди. У мундиалда 3 та ўйинда 2 маротаба ўз шерикларининг голига пас берди.