ПСЖ яна бир трансферга қўл урди

"Лилль" ярим ҳимоячиси Ренату Санчеш ПСЖга ўтиш арафасида турибди. Бу ҳақда "L'Equipe" нашри хабар бермоқда. 
 
Икки клуб мазкур трансфер борасида келишувга эришган. Парижликлар португалиялик хавбек учун 15 миллион евро пул тўлайди. 

Аввалроқ, унга "Милан"дан ҳам қизиқиш бўлаётгани ҳақида хабарлар чиққанди. 

24 ёшли футболчи ўтган мавсумда Лига 1 доирасида 25 учрашувда майдонга тушиб, ўз ҳисобига 2 та гол ва 5 та ассист ёздириб қўйган.