ПСЖ янги мураббий билан шартнома имзолади

Журналист Фабрицио Романо ПСЖ клуби 48 ёшли аргентиналик мутахассис Маурисио Почеттино билан шартнома тузилганини тез орада расман эълон қилишини билдирди.

Маълумотларга кўра, томонлар ўзаро битимнинг барча шартлари бўйича келишувга эришган ва Почеттино шартномани имзолаган. Олдин хабар берилганидек, келишув 2023 йилгача тузилди.

Аввалги мураббий Томас Тухель клубни Франция чемпионига айлантириб, тарихда илк бор Европа Чемпионлар лигасининг финалига олиб чиққанига қарамай, шартномаси якунланишига ярим қолган бир пайтда истеъфога чиқарилди.

Почеттино 2019 йили “Тоттенхэм”дан кетганидан бери ишсиз юрганди. У аввал “Эспаньол” ва “Саутгемптон” жамоаларини бошқарган.