"Пари Сен-Жермен" клуби мавсумлар оралиғида А Серияда тўп сураётган 3 нафар ярим ҳимоячини сотиб олмоқчи. Бу ҳақда le10sport.com хабар бермоқда.

Юқоридаги манбага кўра, Франция чемпиони эътиборидан Исмаэл Беннасер ("Милан"), Сергей Милинкович-Савич ("Лацио") ва Лоренцо Пеллегрини ("Рома") жой олган.

22 ёшли Беннасер бу мавсум "Милан" сафида 23 та ўйинда майдонга тушди ва 1 та голга ассистентлик қилди. 25 ёшли Милинкович-Савич эса 31 та ўйинда "Лацио" шарафини ҳимоя қилди ва 5 та гол ҳамда 7 та голли узатма ёздириб қўйишга эришди. 23 ёшли Пеллегрини “Рома” либосида жорий мавсум 24 та ўйинда иштирок этиб, ўз ҳисобига 3 та гол ҳамда 11 та голли узатмага муаллифлик қилди.