ПСЖда можаро! Тухель жамоа устидан назоратни йўқотган

 Get French Football News нашрининг L'Equipе'га асосланиб ёзишича, германиялик мутахассис ечиниш хонасида назоратни қўлдан бой берган. Бир қатор футболчилар Тухелга нисбатан ҳурматни йўқотган.

Жумладан, бир қатор футболчилар мавсум сўнггидаги ўйинларга жиддий эътибор қаратмаган ва ҳаттоки Лига-1 28-туридан ўрин олган "Нант"га қарши (2:3) баҳс учун ҳаттоки боришни ҳам исташмаган. Тухель эса футболчиларнинг ўз ишига бўлган муносабатидан ҳайрон қолган.

Маълумот учун, германиялик мураббий ушбу мавсум аввалида жамоани қабул қилиб олган эди. Унинг қўл остида парижликлар Франция чемпиони бўлишди, ЕЧЛ 1/8 финал босқичида "Манчестер Юнайтед"га имкониятни бой бериб, мусобақани тарк этишди.