ПСЖнинг айрим футболчилари "Бавария"га қарши ўйиндан олдин...

ПСЖ футболчилари "Бавария"га қарши ўйин олдидан пенальти тепишга тайёрланишди. Бу ҳақда Get French Football News нашри хабар тарқатмоқда.

Эслатиб ўтамиз, Чемпионлар лигаси 1/8 финалининг Парижда бўлиб ўтган биринчи учрашувида 1:0 ҳисобида немис грандининг қўли баланд келган эди. Бугун Мюнхенда ушбу жамоалар ўртасида жавоб баҳси ўтказилади.

Манбага кўра, ПСЖнинг кечаги машғулотида пенальтилар сериясига алоҳида тайёргарлик кўрилмаган, бироқ бир қанча футболчилар, жумладан Килиан Мбаппе ва Серхио Рамос пенальти тепиш амалиётини бажаришган.

Францу клуби дарвозабонларига эса "Бавария"да пенальти тепиш мумкин бўлган футболчилар ва уларнинг зарба бериш услублари ҳақида маълумотлар берилди.

"Бавария" - ПСЖ учрашуви бугун Тошкент вақти билан 01:00да бошланади.