“Пул бўлса чангалда шўрва”. “Челси” клубни менсимаган суперюлдуз келишига ишонмоқда

“Боруссия” тўпурари Эрлинг Холанд яқинда “Челси”ни суперклуб даражасида қабул қилмаслигини ва  шу боис, бу жамоага ўтмаслигини таъкидлаганди. Шунга қарамай, “Челси” раҳбарияти норвегиялик ҳужумчи учун курашда ўзини фаворит санамоқда.

“Челси” Холандга даъвогарлик қилаётган “Реал” ва “Барселона” каби клублардан фарқли равишда молиявий жиҳатдан юқори имкониятга эга эканига ишонмоқда. Шунинг учун ҳам “аристократлар” дортмундликларнинг 110 миллион евро миқдорида белгилаган нархини ёзда тўлашга тайёр.

“Челси” хўжайини Роман Абрамович Дидье Дрогба кетганидан буён давом этиб келаётган тўпурар ҳужумчи муаммосини Холанд билан узоқ муддатли шартнома тузиш орқали ҳал этмоқчи.

Холанд “Боруссия”га ўтганидан бери 43 та учрашувда 45 та гол уришга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)