Pul uchun “Barsa”ni tark etishga rozi bo‘ldi

“Barselona” hujumchisi Memfis Depay yanvarda Kataloniyadan ketishga rozilik berdi. Kataloniya klubi o‘zaro shartnomasi yozda yakunlanadigan futbolchidan tezroq qutilmoqchi bo‘lyapti.

Niderlandiyalik hujumchi shartnomani bekor qilishga va buning uchun kompensatsiyadan voz kechishga tayyor.

Memfis Depay yangi boradigan jamoasidan transfer bonusini olish uchun “Barselona”dagi yarim yillik maoshini olmaydigan bo‘lyapti. Odatda, aksariyat jamoalar erkin agent maqomida kelgan futbolchiga ma’lum miqdorda bonus ajratadi.

Depay 2021 yilning yozida avvalgi bosh murabbiy Ronald Kuman taklifiga binoan “Barselona”ga kelganida ham ana shunday bonus bilan siylangan edi.