Пули йўқ “Барса” чемпион жамоанинг қимматбаҳо ўйинчисига кўз тикмоқда

“Барселона” молиявий муаммоларни бартараф эта олмаётганига қарамай, таркибини қимматбаҳо футболчи билан кучайтирмоқчи.

Bild нашрининг ёзишича, каталонияликлар “Бавария”нинг 27 ёшли ҳужумчиси Лерой Санени ўз сафига қўшиб олмоқчи.

Яқинда каталонияликлар Леройга таклиф билан чиққан эди. Бироқ, германиялик футболчи Мюнхенда қолишни маъқул топди.

“Барса” фикридан қайтгани йўқ ва бу трансферга келаси йил қайтади.

Саненинг Бундеслига чемпиони билан шартномаси 2025 йилнинг ярмигача давом этади. Унинг трансфер нархи 65 миллион еврога тенг.