Пулингиз бўлмаса, сизга ахлатдек муомала қилишади

Таниқли UFC жангчиси Арман Царукян "American Airlines" рейсидан четлатилганидан сўнг уни энг кўп нима хафа қилганини айтди.

"Пулингиз бўлса ва бизнес-классда учсангиз, сизга қиролдек муносабатда бўлишади. Лекин пулингиз бўлмаса ёки камроқ бўлса ва эконом-классда учсангиз, сизга ахлатдек муомала қилишади. Бу ҳаётдаги энг ёмон нарса. Мен бундан нафратланаман. Менимча, кимлиги, қандай машинада юриши ёки қаерда ишлашидан қатъи назар, ҳаммага тенг муносабатда бўлиш керак", – деди Арман "The Ariel Helwani" дастурига берган интервьюсида.

Маълумот учун, Арман Царукян профессионал ММАда ҳозирга қадар 23 та ғалаба (15 таси муддатдан аввал) ва 3 та мағлубият қайд этган.