Пьянич Роналдунинг "Ал-Насср"га ўтгани борасида фикр билдирди

Миралем Пьянич Роналдунинг "Ал-Насср"га ўтиши ҳақида гапирди. 

"Ал-Насср" ўз амбицияларига эга клуб. Ишончим комилки, яқин шарқ футболининг келажаги бор. Бу ерда қудратли давлатлар мавжуд ва улар футболни ривожлантириш бобида ҳали бор кучини ишга солмаган. 

Криштианунинг танловидан умуман ҳайрон эмасман. Бу ерда тўп тепиш одамлар ўйлаганчалик осон эмас. 

Унинг танлови футбол ривожига катта ҳисса қўшади. Мен бутун бир мамлакат имижи ҳамда араб болалари ҳақида гапиряпман", - деди "Шаржа" клуби ярим ҳимоячиси.