Қарор қатъий, шикоятга ўрин йўқ

“Манчестер Юнайтед”дан жиддий таклиф олган “Атлетико” футболчиси Киран Триппьер қишки трансферлар даврида Мадридни тарк эта олмайди.

Диего Симеоне ишонган футболчисидан воз кечмоқчи эмас. Шу боис, “Атлетико” клуби 30 ёши футболчини “Манчестер Юнайтед”га қўйиб юбормайди.

Бундан ташқари, мадридликлар раҳбарияти Киран Триппьер трансфери бўйича қишда бўладиган ҳар қандай таклифга рад жавобини беришини маълум қилди.

Англиялик футболчи икки мавсум давомида “Атлетико” сафида жами 36 та учрашув ўтказиб, еттита голли пас оширди.