Қаршидаги "Марказий" стадион ёритиш тизими 2 000 люксга етказилди

Бугун, 2-октябрь куни Қарши шаҳрига Чемпионлар лигаси беллашувлари қайтади. "Насаф" ўз майдонида Қатарнинг "Ас-Садд" жамоасини қабул қилади. Шунингдек, 12-ноябрь куни "Марказий" Ўзбекистон кубогининг финал учрашувига мезбонлик қилади.

Мазкур мусобақаларга тайёргарлик доирасида "Марказий" стадион прожекторларини яхшилаш ишлари олиб борилди. Якунига етган ҳафта прожектор люксларини талаб этилган кўрсаткичга етказиш йўлидаги сўнгги ишлар амалга оширилди ва Лига мутахассислари ўрганишлар натижасида ўз хулосасини тақдим этди. Эндиликда Марказий стадионида прожекторлар 2 000 люкс ёруғлик тақдим этишни бошлади.

Маълумот учун, 6-октябрь куни Лига ишчи-гуруҳи Ўзбекистон кубогининг финал учрашувига тайёргарлик доирасида Қаршида бўлади.