"Қитъалар жанги" мусобақаси асосий баҳслари олдидан ҳамюртларимиз вазн ўлчаш маросимида иштирок этди (видео)

Хабар бериб ўтганимиздек, Россиянинг Москва шаҳрида профессионал бокс йўналишида қитъалараро кичик бокс мусобақаси ташкил этилмоқда. Унда Осиё, Америка, Африка ва Россия ўз жамоаси билан иштирок этмоқда. Жанглар 3 дақиқадан 4 раунд бўлиши белгиланган. Эртадан баҳсларга старт берилади.

Дастлабки кун жуфтликлари қуйидагича кўриниш олган.

Осиё - Африка:
63 кг. Баҳодур Усмонов (Тожикистон) – Рофима Маев (Жанубий Африка);
68 кг. Бобо-Усмон Батуров (Ўзбекистон) – Бенхард Бернард (Намибия);
75 кг. Сапарбай Айдаров (Қозоғистон) - Лукас Ндафолума (Намибия);
80 кг. Одилжон Аслонов (Ўзбекистон) – Жарман Энтони Дамян (Намибия);
90 кг. Мадияр Саидрахимов (Ўзбекистон) – Симба Кингумба (Конго).

Россия - Америка:
63 кг. Алберт Батиргазиэв - Андрес Гарсия (Колумбия);
68 кг. Харитон Агрба - Мишел Маркано (Венесуэла);
75 кг. Павел Сосулин - Адриан Перес (Венесуэла);
80 кг. Павел Силягин - Карлос Галван (Колумбия);
90 кг. Муслим Гаджимагомедов - Антонио Оклес (Эквадор).

Жанглар 4-июньдан 5-июньга ўтар кечаси Тошкент вақти билан тунги 1:00 дан "Первый" каналида трансляция қилинади. Ушбу тўқнашувлар олдидан вазн ўлчаш маросими бўлиб ўтди.