"Қизилқум" 5 нафар футболчиси билан хайрлашди

"Қизилқум"нинг 5 нафар футболчиси билан тузилган шартномаси якунига етди.

"Ўтган мавсумда жамоа либосида ҳаракат қилган дарвозабон Роберт Озольс, ҳимоячилар Жамолиддин Убайдуллаев ва  Николай Тарасов, ярим ҳимоячи Асрор Ғофуров ҳамда ҳужумчи Муҳаммадали Ғиёсов клуб билан расман хайрлашди.

"Қизилқум" ПФК раҳбарияти ушбу футболчиларга келгуси фаолиятида омад тилайди. Барчаси учун раҳмат!", - дейилади клуб хабарида.

Эслатиб ўтамиз, "Қизилқум" 2024 йилги мавсумни 11-поғонада якунлади.