"Қизилқум" "Бухоро"га қарши ўйин олдидан кичик устунликка эга

"Қизилқум" жамоаси Суперлиганинг 2-тур ўйинини Навоийда "Бухоро" жамоасига қарши ўтказади. Учрашув 12 март куни бўлиб ўтади.

Ушбу жамоалар миллий чемпионатларда ўзаро 40 учрашувда майдонга тушишган. Уларнинг 17 тасида навоийликларнинг қўли баланд келган бўлса, яна 16 та ўйинда "Бухоро" жамоасининг устунлиги қайд этилган. Қолган 7 учрашувда жамоалар муроса кўчасини танлаган. Тўплар нисбати эса 54—46. "Қизилқум" жамоаси фойдасига.

"Қизилқум" жамоасининг ўзаро учрашувлар тарихидаги энг йирик ғалабаси 2002 йилда қўлга киритилган бўлиб, ўшанда "кончилар" рақибни 5:0 ҳисобида мағлуб этишган.

"Қизилқум" ва "Бухоро" жамоаларининг сўнгги 5 учрашув натижалари:

"Бухоро" 1:1 "Қизилқум"

"Қизилқум" 1:0 "Бухоро"

"Қизилқум" 1:1 "Бухоро"

"Бухоро" 1:1 "Қизилқум"

"Қизилқум" 0:1 "Бухоро"

“Қизилқум” матбуот хизмати.