Фарғонада Ўзбекистон Кубоги доирасида “Нефтчи” ҳамда “Қизилқум” жамоалари иштирокидаги учинчи тур беллашуви бўлиб ўтди ва унда дарвозалар дахлсиз қолди.

Фарғонадаги учрашувга “Қизилқум” жамоаси бош мураббийи Ҳамиджон Актамов келгани йўқ. Унинг ёрдамчиси Обид Худоёров мазкур учрашувда жамоага бошчилик қилди.

Ўйиндан кейинги матбуот анжуманида ҳам Худоёров ўз фикрларини билдирди.

- Ўйинни кўрдинглар, тенг курашлар остида ўтди. Тўғри, мураббийлар ундай ёки бундай дейишади. Аммо менга ёққани шуки, бугун очиқ футбол бўлди. Гарчи гол урилмаган бўлса ҳам ўйин шиддатли кечди.

- Бугун таркибда бир қатор ротацияга қўл урилди. Бунга қандай изоҳ берасиз?

- Ўйин амалиёти кам бўлаётган футболчиларни майдонга туширишга ҳаракат қилдик. Ўринбосарлар таркибимиздаги йигитлар ҳам ўйнашди ва барчаси ўзини оқлади. Яъни, улар ҳам ўз кучларини синаб кўришди. Бу улар учун бахт. Ўзимиз ҳам илк бор мана шундай ҳолатдан ўтганмиз. Биринчи марта майдонда дебют қилганимизда ҳаяжонланганмиз. Бугун футболчиларимиз қўлларидан келганича ўйнаб беришди. Бизда биринчи ёки иккинчи таркиб йўқ. Менимча, таркибга киряптими, ўзларини кўрсатишга ҳақли.

- “Қизилқум”нинг гуруҳида асосан про-лига жамоалари жой олишди. Хусусан, “Нефтчи”нинг ўйинига изоҳ берсангиз...

- “Нефтчи”да Суперлигага яқин жамоа йиғилган. Клуб Суперлига клублари билан тенгма-тенг ўйнайди. “Нефтчи”ни элитада кутяпмиз. Ўйлашимча, бу жамоа Суперлигага чиқади. Таркиб ва ўйин бўйича ҳам яхши. Телевизор орқали ҳам “Нефтчи”нинг ўйинларини кузатяпмиз. Таркибидаги аксарият футболчилари Суперлигада тўп суришган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар