"Қўқон-1912" 3 нафар сербиялик футболчи билан шартнома имзолади

Ўтган мавсум ўзининг ажойиб ўйинлари билан мухлислар ва мутахассислар олқишига сазовор бўлган "Қўқон-1912" клуби янги мавсумда ҳам ўз олдига жиддий мақсадларни қўйган.

Клуб матбуот хизмати тарқатган хабарга кўра, жамоа кўригида бўлиб турган футболчилар Милан Спремо ҳамда Марко Миличлар билан бир йиллик шартнома имзоланди.

Бу футболчилардан ташқари ўтган мавсумларда ҳам қўқониклар сафида тўп сурган Дарко Гожкович ҳам янги мавсумни "Қўқон-1912" сафида бошлаши аниқ бўлди.