"Қўқон-1912" биринчи давра якунлари: Ким, қанча ўйнаган?

"Қўқон-1912" клуби матбуот хизмати Суперлига биринчи давра якунларига доир статистик маълумотларни тақдим этди.

Биринчи даврада “Қўқон-1912” жамоаси шарафини 20 та футболчи ҳимоя қилди. Энг кўп ўйнаган футболчилар Александр Мерзляков ва Марко Милич. Бу футболчилар барча 13 та учрашувда тўлиқ майдонда ҳаракат қилишган. Шунингдек, Қўвондиқ Рўзиев ҳам 13 та баҳсда майдонга тушган бироқ унинг ўйнаган дақиқалари бироз камроқ. Етакчи ўйинчилардан бири Мурод Холмуҳаммедов 12 та учрашувда тўлиқ ўйнаган.