"Қўқон-1912" клуби "Бунёдкор"га бериб юборган легионерини қайтармоқда

Суперлиганинг 1-турини ўз майдонида "Бухоро" жамоасига қарши ўтказиб, йирик ғалабани қўлга киритган "шунқорлар" таркибни яна бир тажрибали ҳужумчи билан тўлдиришга яқин. Бу ҳақда клуб матбуот хизмати хабар берди.

Бир пайтлар ўзининг ўйинлари ва голлари билан қўқонлик мухлисларни хурсанд қилган сербиялик ҳужумчи Филипп Райевац яна Қўқонга қайтадиган бўлди. Райевац 4 март куни жамоа таркибига етиб келиши ва шартнома имзолаши кутилмоқда. У 2017 йилги футбол мавсумини ҳам "Қўқон-1912" жамоасида ўтказган эди.

Эслатиб ўтамиз, Суперлигада трансфер ойнаси 7 мартга қадар давом этади.