“Қўқон-1912” мураббийи: Мухлисларга сабр тилаймиз

Ҳозиргина Суперлиганинг 4-туридан ўрин олган “Қўқон-1912” ҳамда “Бухоро” жамоалари баҳси ўз ниҳоясига етди. Ўйин бухороликларнинг 3:1 ҳисобидаги ишончли ғалабаси билан якунланди.

Ўйиндан сўнг ўтказилган матбуот анжуманининг иккинчи қисмида мезбонлар катта мураббийи Азиз Тўхтабоев иштирок этди ва ўзининг учрашув ҳақидаги фикрларини билдириб ўтди.

“Бухоро” жамоасини ғалаба билан табриклайман. Очиғини айтсам, футболчиларимизда ўзларига бўлган ишонч етишмаяпти. Гувоҳи бўлдингизки биринчи бўлимда ўйинмиз қовушмади. Аммо, танаффусдан сўнг футболчилар бошқача кайфиятда майдонга тушишди ва шу боис иккинчи бўлимда чиройли ўйин намойиш этдик. Бугунги ўйинда яратилган вазиятлардан унумли фойдалана олмадик. Агар яратилган имкониятларни голга айлантира олганимизда ғалаба қозонишимиз ҳм мумкин эди. Мухлисларга сабр тилиймиз. Ушбу вазиятдан тезроқ чиқиб кетамиз деб умид қиламиз. Кейинги ўйинларда мухлисларни хурсанд қилишга ҳаракат қиламиз”, - дейди Тўхтабоев.

“Истиқлол” стадионидан SPORTS.uz муҳбири Бахтиёржон ТОШТЕМИРОВ ёзиб олди.