"Қўқон-1912" сафига сербиялик легионерлар келади

Машғулотлар “Бунёдкор” академиясига қарашли майдонда кунига икки маҳалдан ўтказилмоқда. Бу ҳақда клуб матбуот хизмати хабар бермоқда.

Таркибда жамоа учун бегона бўлмаган яна бир футболчи – Ориф Мамажонов ҳам машғулотларда иштирок этмоқда. 15 январь куни сербиялик легионерлар машғулотларга қўшилишади.

Ўтган йили қўқонликлар шарафини ҳимоя қилган Дарко Гожкович ва Марко Миличдан ташқари, яна икки нафар сербиялик ўйинчиларнинг келиши кутилмоқда. Уларнинг бир нафари ҳужумчи бўлса, яна бир нафари ярим ҳимоячи.