"Қўқон-1912"га қарши ўйинларда "Сурхон" устунликка эга. Аммо термизликлар охирги марта 20 йил олдин ғалаба қозонган

Coca Cola Суперлигаси 6-тур доирасидан ўрин олган “Қўқон-1912” - “Сурхон” учрашуви Қўқон шаҳрида бўлиб ўтади. Мазкур баҳс олдидан "Қўқон-1912" клуби матбуот хизмати ушбу жамоаларнинг ўзаро ўйинлардаги статистик маълумотларини тақдим этди.

Ўзаро ўйинлар
Бу жамоалар шу пайтга қадар чемпионат доирасида 18 марта тўқнаш келган. “Сурхон” ўйинларнинг 9тасида зафар қучган, 8 та баҳсда водийликларнинг қўли баланд келган. Битта учрашувда дуранг натижа қайд этилган. Тўплар фарқи: 32-29, “Сурхон” фойдасига. Ўзаро ўйинларда “Сурхон” 28 очкони қўлга киритган. “Қўқон-1912” очкоси 25 тани ташкил этади.

Қўқон шаҳрида бўлиб ўтган барча учрашувлар:
17.08.2019 Қўқон 1912 - Сурхон - 2:1
27.10.2003 Қўқон 1912 - Сурхон - 4:1
22.06.2002 Қўқон 1912 - Сурхон - 3:1
27.09.2000 Темирйўлчи - Сурхон - 2:3
21.08.1999 Темирйўлчи – Сурхон - 0:5
19.08.1998 Темирйўлчи – Сурхон - 3:2
25.06.1995 Темирйўлчи – АСК - 0:2
24.04.1994 Темирйўлчи – АСК - 2:0
07.05.1992 Темирйўлчи - Сурхон - 2:0